Kruger se Dangerous op die rakke

akkreditasie
lees: Erik Kruger het onlangs sy boek Dangerous uitgereik. foto verskaf
lees: Erik Kruger het onlangs sy boek Dangerous uitgereik. foto verskaf

DIE internasionale spreker en skrywer Erik Kruger het onlangs sy tweede boek – Dangerous – uitgereik.

Tracey McDonald, van Tracey McDonald Uitgewers, het bevestig dat dié hoogs-inspirerende boek – kort nadat dit landwyd op boekrakke verskyn het – die vyfde plek ingeneem het op Exclusive Books se Top 10-besigheidsboekelys.

Kruger sê die boek herinner lesers om weer beheer te neem, risiko’s te vat en te groei.

“Dit is ongelooflik om te sien hoe goed die boek ontvang word. Ek dink dit is omdat dit die regte boodskap op die regte tyd bied. Mense is al vir meer as twee jaar in oorlewings-modus en dit is nie meer goed genoeg nie.”

“Dangerous gaan daaroor om weer beheer te neem van jou lewe. Dit moedig jou aan om ’n bietjie meer “gevaarlik” te wees op ’n manier wat ons help om die bedreigings in ons lewens te oorkom, sodat ons terselfdertyd ook diegene vir wie ons omgee, kan beskerm.”

Herontdek

Erik spog met verskeie grade aan die Universiteit van die Witwatersrand (WITS), insluitend ’n BSc in fisioterapie, ’n nagraadse diploma in bestuur, en ’n meestersgraad in bestuur en uitvoerende afrigting.

Gedurende sy leeftyd, moes hy homself al verskeie kere herontdek en vestig.

Jy kan Dangerous by enige boekwinkel landwyd koop.

Sê jou sê
Is jy al ingeënt
Kies asb. 'n opsie Oeps! 'n Fout het ingesluip. Probeer asb. weer.
Resultate
Ja, ek het al die jab gekry
43% - 1494 stemme
Nee, ek het nog nie die jab gekry nie
20% - 694 stemme
Ek laat my nie steek nie
36% - 1250 stemme
Stem
Jongste Son

24 Mei 2022

Jongste Son
Klik hier om te lees!
Begin lees