Biervereniging beveg dopverbod

akkreditasie
soek antwoorde: Die Biervereniging van Suid-Afrika soek nou bewyse dat daar ’n verband tussen alkohol en Covid-19-verwante hospitalisering is. Foto: DAILY SUN
soek antwoorde: Die Biervereniging van Suid-Afrika soek nou bewyse dat daar ’n verband tussen alkohol en Covid-19-verwante hospitalisering is. Foto: DAILY SUN

MEER as 4 600 mense gaan hul werk weens die verlenging van die aangepaste inperkings verloor.

Só sê die Biervereniging van Suid-Afrika (Basa) nadat pres. Cyril Ramaphosa Sondag in sy toespraak gesê het vlak 4 bly vir ’n verder 14 dae in werking.

Nicole Mirkin, ’n Basa-woordvoerder, sê: “Die huidige alkoholverbod wat sedert 28 Junie in werking is, het die alkohol­bedryf reeds hard getref.

“Dit het na berekening 4 603 werksgeleenthede in gevaar gestel, en behels die potensiële verlies van R5,1 miljard in belasting en aksynsbelasting.

Verband

“In ál ons gesprekke met die regering is daar erken die hoofredes vir die verspreiding van die virus is groot byeenkomste, die versuim om maskers te dra en om sosiale distansiëring toe te pas.

“Daar is ook nie aan ons data verskaf wat die verband tussen alkohol en ’n toename in hospitalisering bewys nie.

Basa wag ook vir details oor hoe die Ters-fondse verleng sal word soos wat pres. Ramaphosa dit aangekondig het.

“Die enigste manier om die pandemie te oorwin, is ’n massa- inentingsprogram.

“Die sowat 400 000 mense wat van die alkoholbedryf afhanklik is, sal eenvoudig nie oorleef as die huidige alkoholverbod langer voortgaan nie.”

Sê jou sê
Is jy al ingeënt
Kies asb. 'n opsie Oeps! 'n Fout het ingesluip. Probeer asb. weer.
Resultate
Ja, ek het al die jab gekry
43% - 1494 stemme
Nee, ek het nog nie die jab gekry nie
20% - 694 stemme
Ek laat my nie steek nie
36% - 1250 stemme
Stem
Jongste Son

24 Mei 2022

Jongste Son
Klik hier om te lees!
Begin lees