4 maande gelede
Meer vroue moet ref, sê Mokuena
Luister Mooi: Aimee Barrett-Theron praat met Duane
LUISTER MOOI: Aimee Barrett-Theron praat met Duane Vermeulen, kaptein van die Bulls.  ~ Gallo Images

JONATHAN Mokuena glo daar moet voortaan meer vroueskeidsregters in rugby wees.

Dit kom nadat Aimee Barrett-Theron Saterdag geskiedenis gemaak het deur die eerste vrou te word wat in Suid-Afrika as skeidsregter in beheer was van ’n Superrugby-wedstryd.

Dié 33-jarige boorling van Kaapstad was die ref in die Superrugby Unlocked-kragmeting tussen die Bulls en die Poemas op Loftus Vers­feld in Pretoria.

Die Bulls het die game met 21-5 gewen en is ook agterna as die plaaslike Superrugby-kampioen gekroon.

Koel

Mokuena was net een van talle rugbykenners wat Barrett-Theron geloof het vir die manier waarop sy die wedstryd hanteer het.

Mokuena, ’n voormalige kaptein van die Blitsbokke wat deesdae as rugbyafrigter en rugby-analis by SuperSport werk, het gister oor Theron se vertoning gesê: “Aimee was baie indrukwekkend as ref van haar eerste game op Superrugby-vlak.

“Sy het nie net die game goed beheer nie, maar sy was baie koel en kalm.

“Haar kommunikasie met die spelers was baie duidelik. Ek dink ons moet voortaan meer vroue-refs kry.”

Barrett-Theron het as ref op klubvlak begin en het tot dusver net as assistent op Superrugby-vlak gedien.

Verstom

Sy het agterna getwiet: “Dit was absoluut ongelooflik daar buite om my eerste Superrugby game te ref! Dankie vir al die wonderlike boodskappe en oproepe. Die ondersteuning verstom my.”

Lewer kommentaar op hierdie artikel
0 reaksies
Lewer kommentaar
Kommentaar 0 oorblywende karakters