22 dae gelede
Sit jou brul op en kyk
dit kom: Die Intercontinental GT Challenge kom SA toe in die vorm van die Kyalami 9-Hour endurance race. Foto: intercontinentalchallenge.com  ~ 

KOM ek skop af deur te sê ek is of was nie ’n pro racer nie. Nie eens ’n amateur nie.

Regtig goeie racers is ’n breed op hulle eie. Ouens soos Prost, Senna, Hunt, Schumi, Hamilton en Vettel is die spesmagte, die elite, die legendes van die racing-wêreld.

Maar hoekom praat ek nou oor racing?

Want ek kan sien daar is groot fout met local motorsport.

En dis al jare lank so.

Never mind die attendance op enige gegewe racing day – wanneer nog hier en daar ’n racing day gegee word, nè?

Is dit ’n sameloop van omstandighede dat die glory days van ons eie F1-reeks in die 1960’s en 1970’s weg is, dalk vir altyd? Onthou mense selfs nog ons eie F1 world champ Jody Scheckter, wat in 1979 in ’n Ferrari met die titel weggery het?

Ek dink so, maar wat weet ek nou? Ek wou ondersoek instel, want iets gaan in November gebeur ... iets wat die potensiaal het om local motorsport op sy kop te draai.

Die Intercontinental GT Challenge kom Suid-Afrika toe in die vorm van die Kyalami 9-Hour.

Dis ’n endurance race. Iets soos Oz se legendariese Bathurst endurance race (12 uur), die Japanse Suzuka (10 uur) en natuurlik die big daddy, Frank­ryk se Le Mans oor 24 uur.

En ek is uitgenooi om daar te wees!

Terloops, dankie aan Toby Venter, grootbaas van Porsche, Bent­ley en Lamborghini en eienaar van Kyalami, vir die 9-Hour, wat ook dié jaar se Intercontinental GT series sal afsluit.

Omdat ek !@#$%^ van racing weet, het ek toe by nog ’n local racing legend, Deon Joubert, gaan kers opsteek.

Hy het titels onder sy belt soos national karting champ, Formula Ford national champ in 1989 en nasionale touring car champ in 1992 (in ’n BMW).

En hy is die groot indoena van Deon Joubert Racing, die meeste van ons plaaslike journos se go-to guy vir toetskarre. Hy represent omtrent ’n dosyn brands.

Deon meen die “downfall” van plaaslike racing is eintlik ’n komplekse saak.

Hy sê die heyday van local racing was in die 1970’s, ’80’s en ’90’s, veral in terme van local TV coverage.

As ek mooi daaraan dink, was daar niks anders om te kyk nie, want sanksies het internasionale coverage, racers­ en events weggehou.

So, local was lekker.

Maar toe kom international content in die 2000’s.

En soos Deon verduidelik, mense kyk eerder na ’n goed georganiseerde internasionale spectacle as local racers wat op ’n shoestring budget om die baan spartel.

Sterker

En daarom het getalle by events ook gedaal, want mense kyk eerder TV. (Nie dat local events meer op die SABC uitgesaai word nie.)

Boonop is motorsport !@#$%^ duur vir die aver­age ou(er).

Volgens Deon kan ’n pa maklik R40 000 of meer per maand aan Boet se karting spandeer. As hy opgaan na national Clubmans, word dit R50 000 per maand. En so gaan die pryse op en op in elke sterker klas.

Dit weerhou baie mense van intrede tot die sport.

Deon sê nog ’n ding is dat die meeste vervaardigers hulle onttrek het, want dis net ’n money pit.

En omdat dit so vrek duur is en die werklik goeie racers op bandsoolvlak so dun gesaai is, compete ons glad nie meer oorsee nie.

Daarom is Deon so bly ’n internasionale event kom in die vorm van ’n endurance race SA toe.

Eindelik kan local drivers weer meeding met die internasionale ouens.

“En dis glad nie so duur en so steriel soos F1 nie. Daai spectacle vat net geld uit die land uit en bring niks in vir local motorsport nie.

Tonnel

“Die land kan F1 eenvoudig nie bekostig nie,” benadruk Deon.

Nadat ek met die legende gepraat het, het ek die gevoel gekry die Kyalami 9-Hour is dalk net die ding wat plaaslike motorsport weer ’n kickstart kan gee.

The start of something big? Lig aan die einde van die tonnel? Ek sal gaan kyk.

Lewer kommentaar op hierdie artikel
0 reaksies
Lewer kommentaar
Kommentaar 0 oorblywende karakters