Verlede jaar
Ope brief aan mediese skemas
PYN: Die leser kla oor die koste as ’n spesialis of dokter meer charge as die mediese skema se tariewe.Foto: HalSi Insurance  ~ 

Keith Alfred Adolph Blake van Ottery skryf (brief verkort):

Dié is ’n ope brief aan mediese skemas met betalende lede, wat lid geword het om gemoedsrus te hê in die geval van siekte of nood.

Lidmaatskap van mediese skemas is nie verniet nie. Dis duur.

Elke skema het talle voordele, afhangend van jou gesondheidsplan.

Ongelukkig is baie mediese tariewe nou ’n chroniese finansiële plaag.

’n Familielid is onlangs na ’n spe­sia­lis verwys en ’n operasie was nodig. Die spesialis het gesê sy tariewe is nie in lyn met die skema se uitbetalings nie.

My familie moes egter nie worry oor die bedrae nie, want ’n mens praat nie oor finansies wanneer daar emosies en sorge oor die pasiënt se toestand is nie, het hy bygevoeg.

My familielede was geskok oor die derduisende wat hulle later moes betaal omdat die behandeling nie deur hulle mediese skema gedek is nie. Dis nie die eerste keer dat ek hiervan hoor nie – dit gebeur gereeld.

Ek wil ’n beroep op mediese skemas doen: Julle moet waarlik toegewyde, caring en deernisvolle mediese diensverskaffers raak deur julle lede in te lig oor al dié mediese praktisyns wie se tariewe nie in ooreenstemming met julle uitbetalings is nie.

Mediese skemas soos Discovery Health moet ’n databasis bedryf om lede in te lig oor mediese diensverskaffers wat hulle lede aan finansiële pyne sal blootstel.

Daar moet ’n Mediese Wet wees wat mediese diensverskaffers dwing om hulle tariewe vooraf bekend te maak sodat lede eers met hulle skema kan consult. Skemas moet hulle lede ook voor die tyd inlig oor tariewe wat nie in lyn met hulle uitbetalings is nie.

My raad aan lede is om eers ’n kwotasie by die diensverskaffer te kry wat wys of sy tariewe in lyn is met die uitbetalings van die mediese skema. Of bel eers jou mediese skema.

Lewer kommentaar op hierdie artikel
0 reaksies
Lewer kommentaar
Kommentaar 0 oorblywende karakters