9 dae gelede
Trokdrywer raak sy pad lelik byster
TONEEL: Dit was omtrént ’n gespook om die lorrie uit die sloot te kry.  ~ Foto Verskaf

MOSSELBAAI. – Die verkeer is Woensdag tot stilstand geruk nadat ’n vragmotor op die R328-pad omgeslaan het.

Die voorval het naby Brandwag gebeur en plaaslike noodreddingswerkers het hulle na die ongelukstoneel gehaas.

Cops en verkeersbeamptes op die toneel het gesê die oorsaak van die ongeluk is nog nie bekend nie.

Geswenk

Motoriste moes van alternatiewe roetes gebruik maak terwyl die owerhede gespook het om die lorrie uit die sloot te kry.

Die vragmotor was onderweg om goedere te gaan af­lewer toe die drywer skerp geswenk en in die sloot beland het.

Die lorriebestuurder is op die toneel vir ligte beserings behandel.

Lewer kommentaar op hierdie artikel
0 reaksies
Lewer kommentaar
Kommentaar 0 oorblywende karakters