6 dae gelede
Sê jou sê in jou moedertaal
braai
Waarom sou ons “barbeque” as ons braai of braaivleis kan sê?  ~ 

INTERNASIONALE MOEDERTAALDAG word die afgelope 68 jaar reeds gevier.

Op die dag skuif die fokus na maniere om kultuur, taal en meertaligheid regoor die wêreld te bewaar. Die doel is om die faktore te gebruik om insluiting te bevorder en om die volhoubare doelwit om niemand agter te laat te bereik nie.

Taal is iets waaraan ons aanvanklik by die huis blootgestel word. Van die eerste woorde wat 'n baba gebruik.

As deel van die internasionale dag het VirSeker en die VivA oftewel Virtuele Instituut vir Afrikaans hul tyd spandaar om maniere te probeer te verbeter waarop sommige dinge gesê kan word en wat tot dusver nog nie in Afrikaans gesê kan word nie.

Afrikaans is een van Suid-Afrika se 11 amptelike tale, wat sowat 96 jaar oud is en een van die drie mees gesproke tale, naas isiXhosa en Zulu, in die land is.

Soos met enige ander taal het die manier waarop mense praat of die gebruik daarvan deur die jare verander. 

Ricardo Coetzee, 'n woordvoerder van Virseker, verduidelik: "Daar is eers na Afrikaans verwys as kombuishollands, hoofsaaklik deur die wie gemeen het dat dit 'n swakker vorm van ware nederlands was.

Sommige dinge is net beter om in Afrikaans te sê. Soos waarom sou ons “barbeque” as ons braai of braaivleis kan sê en hoe verklaar jy dat 'kwaai' en 'gevaarlik' ook gebruik word om te sê iets is regtig goed. Wat daarvan as jy iemand 'nou nou' vertel en hulle verstaan nie dat dit letterlik enige tyd kan wees.

Alle grappies op ‘n stokkie, daar is geen ander taal soos Afrikaans nie, en ons weet almal dat die beste uitdrukkings nie in ander tale vertaal kan word nie. Dit sou wees soos wors in die hondestal soek. Jy sal dit nie vind nie.

Daar is ook bekende-persoonlikhede wie hul gunsteling Afrikaanse woorde het. Vir die Springbok-rugbyspeler Frans Steyn is dit 'bakgat', Toks van der Linde voel dat 'lekker' dit vir hom doen en Breyton Paulse sê dat 'plettervat' die beste van die tong afrol.

Aanhangers van die televisiereeks Lucifer weet by nou al dat Maze oftewel die Suid-Afrikaans-gebore aktrise Lesley-Ann Brandt Afrikaans praat in die program. Selfs Rebel Wilson praat Afrikaans in die fliek Pitch Perfect, en sy is van Australië.

Coetzee voeg by: "In 2021 is Afrikaans dalk byna 'n eeu oud maar eintlik steeds in tienerskoene.

"Oud genoeg om te weet hy weet baie, wys genoeg om te weet daar is nog 'n eindelose skat van dinge om te leer, gewild genoeg om te weet dit behoort, dapper genoeg om te weet dit kan berge versit en passievol genoeg om daad by woord te voeg en met oorgawe te doen.

Lewer kommentaar op hierdie artikel
0 reaksies
Lewer kommentaar
Kommentaar 0 oorblywende karakters