7 dae gelede
Leidrade help: Twee vas ná moord op raadslid
 ~ 

DIE Hawks het Saterdag twee verdagtes in die Oos-Kaap gearresteer vir die moord op ’n ANC-raadslid.

Thanduxolo Peter Nobongoza (42), die Sakhisizwe-munisipaliteit se hoofsweep, is Donderdag in ’n township in Cala doodgeskiet toe hy vir ’n stappie gegaan het.

Volgens kapt. Anelisa Feni, Valke-woordvoerder, is die twee verdagtes van onderskeidelik 34 en 45 jaar in hul huise in Tsolo en Elliot gearresteer.

Dié sukses kom nadat leidrade opgevolg is deur die Valke se Queenstown-ondersoekeenheid teen ernstige georganiseerde misdaad.

Die provinsiale misdaad-intelligensie, provinsiale speurders, die polisie se eenheid teen georganiseerde misdaad, die taktiese-reaksie-span en die openbare-orde-polisie het ook hard saamgewerk om die verdagtes vas te trek.

Die verdagtes sal na verwagting­ vandag in die Cala­-landdroshof verskyn op aanklag van moord. Nog aanklagte­ kan moontlik bygevoeg word.

Lewer kommentaar op hierdie artikel
0 reaksies
Lewer kommentaar
Kommentaar 0 oorblywende karakters