14 dae gelede
Rower vas wat mayor besteel
Photo by Bill Oxford on Unsplash
Een van die ses rowers is reeds in hegtenis geneem.  ~ Foto ter illustrasie

EEN van ses rowers wat by die burgemeester se huis in die Waterberg-distrik in Limpopo ingebreek het, is in hegtenis geneem.

Kol. Moatshe Ngoepe, polisiewoordvoeder, sê die polisie het die 31-jarige man Woensdag by 'n skuilplek in Gauteng in hegtenis geneem. Hulle soek nog na vyf ander verdagtes.

Volgens Ngoepe het vier onbekende mans en twee vroue by die hek van die burgermeester se huis stilgehou en die sekuriteitswag gevra om die burgermeester te sien.

‘‘Voordat hy kon reageer, het hulle hom aangeval, die huis binnegegaan en almal vasgebind,’’ sê Ngoepe.

Die rowers het met 'n Toyota-bakkie gevlug. Die voertuig is later verlate buite Lephalale gevind.

Ngoepe sê die sekuruteitswag het ernstige beserings opgedoen en is na die hospitaal geneem vir behandeling. – News24

Lewer kommentaar op hierdie artikel
0 reaksies
Lewer kommentaar
Kommentaar 0 oorblywende karakters