6 dae gelede
Brandstof rev pryse behoorlik
EINA! Verbruikers se beursies gaan met die drastiese verhoging in brandstofpryse lelik knyp.  ~ Deon Ferreira

MOTORISTE se reeds plat sakke gaan van ­vandag af nog platter wees met brandstof wat amper R17 per liter gaan kos.

Die departement van ­minerale en energie het bevestig dat ’n liter petrol nou R16,64 aan die kus kos en sowat R17 in die binneland.

Die prys van 93-oktaan styg met 95c ­en 95-oktaan kos R1 duurder.

Blokkade

Layton Beard, van die Automobiel Assosiasie sê brandstofpryse het so drasties ­verhoog omdat internasionale oliepryse gestyg het weens die swak rand wat lelik teenoor die Amerikaanse dollar ­verswak het.

“Vanaf die begin van die maand word daar ook heffings van 27c bygesit op ­brandstofaankope.”

Luidens ’n verslag oor die drastiese verhogings van brandstofpryse, is daar onder meer genoem dat die reusevragskip Ever Given, wat ­onlangs dwars gedraai het en sodoende ’n blokkade in die Suezkanaal veroorsaak het, ook tot die verhoging bygedra het. – ENCA

Meer Stories

Lewer kommentaar op hierdie artikel
0 reaksies
Lewer kommentaar
Kommentaar 0 oorblywende karakters