5 maande gelede
Polisie vang ‘dikding’ en meeloper
 ~ 

DIE vermeende leier (37) van ’n gang en ’n mee­loper van hom is Saterdag in Bishop Lavis gearresteer.

Die “bendebaas” is bekend aan die polisie en uit op bail. Volgens sy borgtogvoorwaardes mag hy nie in die Bishop Lavis-gebied gewees het nie.

Sers. Noloyiso Rwexana,’n polisiewoordvoerder, het gesê die polisie het die twee verdagtes Saterdag 13:30 in ’n kar in Angela­straat voorgekeer.

Die polisie-optrede daar het deel gevorm van hul naweek­patrollies teen bende- en misdaadvoorkoming.

Die passasier (29) van die voertuig is gearresteer vir die onwettige besit van ’n ongelisensieerde vuurwapen en ammunisie.

Albei verdagtes sal vandag in die Bishop Lavis-landdroshof verskyn.

Rwexana sê polisie-optrede in die Bishop Lavis-gebied sal voortgesit word om die veiligheid van inwoners te verseker.

Meer Stories

Lewer kommentaar op hierdie artikel
0 reaksies
Lewer kommentaar
Kommentaar 0 oorblywende karakters