Verlede maand
Man in Montagu vas vir dwelms en drank
'n 40-jarige man in Montagu is in besit van dwelms gevind.  ~ ter illustrasie

’N 40-JARIGE man is in hegtenis geneem nadat die polisie op ’n huis in Montagu toegeslaan en op dwelms en drank beslag gelê het.

Die gesamentlike operasie tussen die Breërivier K9-eenheid, die Montagu-polisie en lede vir misdaadintelligensie het gister in Bergsig plaasgevind.

Brig. Novella Potelwa, ’n polisiewoordvoerder, sê hulle het ’n verskeidenheid dwelms gevind, wat Tik en Mandrax-tablette insluit.

“Daar is ook op aansienlike hoeveelhede wyn beslag gelê, ” sê Potelwa. -EWN

Lewer kommentaar op hierdie artikel
0 reaksies
Lewer kommentaar
Kommentaar 0 oorblywende karakters