21 dae gelede
‘Mans wil net met die padda speel’
Antie Mona
Antie Mona  ~ 

Liewe Antie Mona

EK LEES nou die brief van die 20-jarige meisie wat liefde en ’n kind wil hê.

Wat gaan deesdae met ons kinders aan?

Hulle het nog hul hele lewe voor hulle en gebruik dit nie om uit die omstandighede te kom waarin hulle net ’n statistiek is nie.

Sy soek liefde en sy gaan dit kry met ’n baba wat sy alleen gaan grootmaak, want die pa het seep gaan koop!

Ek wil net vir haar sê die manne vandag wil net met die padda speel en die padda voer, maar sodra die padda se magie opswel, dan gly hy lang glye en sê dis nie sy kind nie, want jy het ander ouens ook gehad.

Hy maak jou dan sleg en stap daar weg wetend dat dit sy kind is. Daar is manne, en ek is een van hulle, wat nie ’n vrou entertain as ek uitvind sy het kinders van ’n man wat nie tyd het vir sy kinders nie.

Meisie, daai kind van ’n ander man gaan vir altyd moeilikheid in jou lewe met ’n ander man ver­oorsaak!

Jy gaan altyd hoor dis nie sy kind nie. Hy gaan mooi speel net om jou padda te voer en aan te hou om dit te doen. Sodra julle getroud is en hy kan nou maak en breek en steeds daai padda voer – daai is die tyd wanneer hy jou gaan vertel dis nie sy kind nie.

So, meisie, laat jou vriende aangaan met hul lewe. Hul boy­friends spat ook sommer gou en los hulle soos ’n sak patats met daai kinders en betaal nie ’n sent papgeld nie.

So, ek sê – gaan verken die wêreld, ontmoet ryk manne daar buite en voer ’n lekker lewe. Die willie-werker-paddavoerders is niks werd nie en is jou aandag nie werd nie. Leser, WhatsApp

Daar is darem baie paddas in jou brief. Antie dink hierdie meisie soek meer liefde as wat sy ’n babatjie soek.

Daar steek egter baie waarheid in jou siening – dis dit nie werd om te gaan soek vir goed wat jou op die long run ’n complicated lewe gaan gee nie.

Lewer kommentaar op hierdie artikel
0 reaksies
Lewer kommentaar
Kommentaar 0 oorblywende karakters